(1).THE CULTURE IN LIFE - THE WAYS OF LIFE IN DAYAK KANAYATN

THE CULTURE IN LIFE - THE WAYS OF LIFE IN DAYAK KANAYATN

Photo: Ilutrasi ( Philip Juli 2014- Ngabang )

I.ADAT PANGANTEN

1. ADAT PICARA DAN PANGANTEN

Syarat jadi picara: nang pamulaan pinang tanya’. Arti kata pinang tanya’ naya’an tali waris nang mao’ di pangantenan. Nang koa doho’ disalidiki’ diri’ nang jadi picara (jadi pajarupm rintoga maringkubukng/patone) waris nang ditutur dari ene’ engke’, ene’ iyut,ene’diri’ nang maranakatn uwe’ man apa’ dari dua balah pihak jadi ampat piatup sampelah jadi lapan piatup (katurunan). kulita ditungkutn bide diampar waris repetn badudukatn. Diri jadi patone baru’ ngomong nanya’an tali-tali waris dangan antara dua balah pihak( nang laki man nang bini )

· Ina’ bakanai’ waris kata di tarima’

· Bakanai’ waris kata di garanan (ina’ jadi)

(Tapi kade’ kata ina’ sangkot (jadi), baru’lah picara ngomong tarus na’ap kaputusatn nang gagas).

2. NYALITN NI’ KATA

Artinya kata pertama disusul dah mao’ na’ap kata kaputusan nang dikaputusani ’waris dua balah pihak, kamile ngikat kata ( no’ol poe’ ) .

Kasimpulannya: tanggal, ari, bulatn, tahutn.

3. NGIKAT KATA.

Artinya dah no’ol poe’ man munuh manok serta ngaraja’atn adat, ngada’atn buis bantatn adat-adat ngomo’an page waris atakng dari ene’-ene’ nang dimalaruatn dua balah pihak ampat piatup ngian.

Ø Nantuatn ari turutn panganten, baik arinya bulatn man tahutnnya.

Ø Tingkalakng pangomo, di insi’ nang mao’ diincakng ka nang laki. Karna sarat ngomo’ ka nang bini doho’ baru ka nang laki. Ahe sababnya nang laki di dudiatn karena ia damanya turutn panganten (turutn ka nang bini) baru’ nang laki ngomo’. Ka nang laki damanya ngomo’ manta’. Ahe ia disabut ngomo’ manta’ karena ia waktu ngomo’ ina’ munuh manok.

Ø Waktu nang laki mao’ turutn panganten baru’ ia munuh manok nginsi’ tingkalakng pangomo’ nang ka dua.

Ø Jadi nang laki dua kali ngomo’ sakali ngomo’ manta’ sakali ngomo’ masak waktu ia ampus ka nang bini ( mulakngi’ bininya.)

4. Adat pangomo’nya:

· Tumpi poe’

· Manok + talo’ + parabut ampa’

· Nginsi’ tingkalakng pangomo’

· Adat tingkalakng pangomo’ insi’nya :

Ø 1 bh tingkalakng tempat adat-adat

Ø Seko’ manok nang dah masak cukup man parabut tubuhnya

Ø Tumpi poe’ ( selengkapnya )

Ø Baras sunguh man baras poe’

Ø Parabut ampa’ + timako rokok

Ø Pingatn putih sa babak + iso’ salamar +gula kopi + nasi sakabetokng

Ø Nyiur sa buah+ binyak nyiur sabotol+ arak sapantut.

Kamudian adat picara nang ampat urakng:

Dua urakng dari nang laki dua urakng dari nang bini nang damanya adat picara.

Ø Seko manok nang dah masak cukup dgn alat tubuhnya.

Ø Tumpi poe’ sacukupnya+ beras sunguh beras poe’, timako roko’,alat alat diampa’.

Ø Syarat atau aturan pembagiannya : sama rata terkecuali panyangahatn ia namu lantatn.

Keterangan: syarat picara dari panganten sampelah ka ngomo’an sebagai tugas nang dijalanannya menurut adat istiadat.

Sejarah adat manusia mao’ sakaidupatn lengkap dari kata asal mula ketelitian.

Ø tutur tali waris manusia

Ø alat paraga adat nang di pake

Ø ka ampusatn adat nang di nyorokng

Ø tingkalang pagomo’

Ø pahala picara dua balah pihak

5. Syarat nurunan urakng panganten

Sebagai picara sanape tanggal nang dimastiatn, ari nang dipake udah ada karumah si nang laki, nang mao’ diturunan panganten.

Misalnya: ampagi ia mao’ turutn picara dari nang laki man nang bini udah harus ada gumare’nya tanggal nang dinantuatn ari nang dinyabut, harus dah atakng karumah nang laki.

Karna ari ampaginya dah mao’ ampus ( bajalatn) pada malam nang dinantuatn malam turutnn no’ol poe’ nyuman tumpi’ dan munuh manok untuknya turutnna’ ari ampagi. Arinya turutn nuju nang bini pake adat:

Ø Manjoat baras pangamur ( baras biasa campur unyit, mayang pinang)

Ø Manjoat baras banyu, baras sasah, langir binyak.

(Pakenya sawaktu turutnna’ tongkotn tanga’ dibamangan doho’ dari picara nang nurunan panganten udah koa baru’ turutn dari rumahnya, rumah nang bini, salanjutnya dalapm pajalanan diri’ naringahan rasi/kata rasi). Rasi ada dua arti kata: kata baik, kata jahat. Nang di anggap baik, kata burukng keto nang calitn baik ka keba’ maupun ka kanan. Nang dianggap jahat atau kurang baik misalnya kata burukng jantek salamar, kata kijakng ngaok, binaul ngolek, amapm ( dahatn jantu’ ka adapatn, batakng tumakng sawaktu diri’ mao’ ngalintas), urakng mati ka kampokng nang di lalui’ pas diri’ ngalintas.

Nang samua dianggap rasi pajalanan bagi urakng diri’ majalanan panganten adalah:

Ø Kata rasi gagas (sorokngi’ kobet, sampakng baik-baik. Arti kata adalah minta’ diporokngi supaya bajalatn gagas ampa’ dibide di papatn).

Ø Kata rasi jahat (adat disorokng ka ia minta porokngi maraga nang lapang).

Ø Adat muang rasi jahat damanya buis lakat, adatnya cukup-cukup dan panganten ba dokokng. Manok enek seko, timpurukng sabuah, tumpi’ poe’ untuk manjawat kobet, botol sabuah+talo’ sabuah, sampangan ahe nang bakata ( saru’atn ka ia mare’ ia makatn ). Buis tadi tingalatn ame di makatn.

Kemudian dah samak rumah ada damanya urakng nyorokngi’ panganten nian ia ngahipa’ diri’ jauh dari rumah kurang labih lima ratus meter dari rumah.

· Ia ngincakng baras pangamur ( baras bare’ unyit ) mayang dah di lurut jadi baras mayang damanya. Nian masing masing singkajah ngincakg tiap - tiap sae nang ampus.

· Ia ba tapor supaya ame awas

· Dah atakng diri’ nang panganten nian baru’ ia ngajut diri’ (panganten)

· Katanya (ngampak), Dusa..!! Panganten ame dadar bulu, kalah pabanga’ lalu panganten di panyonsong mempeni’.

Kemudian panganten atakng ka rumah baranti nunggu adat naik ka’ rumah. Nang disiapatn baras banyu, baras sasah, langir binyak, manok seko’, ai’ ka cerek ka atas talam.

Baru’ unang pangaten naik disambut man adat tadi serta di ipeh man manok idup. Baru’ ia naik ka rumah langsung di bubuhi’ pahanya man ai’ tadi tarus ia duduk dan disiapatn makanan nang ada untuk samua urakng nang ada.

6. MUSI’ TANGKITN

Musi’tangkitn nang laki ngadap ka buis waktu gumare’ari. Sanape’ ia batama’ ngadap buis hanya nyababaro. Udah adat musi’ tangkitn, dah malamnya ada adat damanya ba tama’.

· Batama’ nang laki tama’ ka dalapm bilik si nang bini, damanya mantokng katinge’ (adat-adatnya nang di pake suluh di tunu, dinikng kamar di pangkong).

· Kemudian nang laki mulih tama’ serta panganten panganten man picaranya.

· Acara adat nang dilakuatn oleh picara:

Ø Sajiatn panganten di panjawat.

Ø Tumpi’ man poe’ dialas man daukng layakng ditampat ka pahar. dua buah pahar artinya untuk nang laki man nang bini.

7. PICARA MELAKSANAKAN ADAT SAJIATN

· Damanya matikatn tumpi’ poe’untuk 2 laki bini na’ap syarat ngarapat pengekng dua laki bini.

· Alatnya tumpi’ poe’ di bamangan.

· Ngarapat ngalulu manusia nang dinanam man adat nang di jubata matampa’atn.

· Ada nasi’ tanung.artinya tanung kaidupatn.

· Alatnya nasi’ biasa.

· Buah kurebakng man gare’ putih, ai’ sasah. Syaratnya dua laki bini nyapot talu kali nang laki, talu kali nang bini. Udah abis acara nian baru’ nyiapatn makanan (makatn malam ) abis koa baru’ kumpul urakng tuha dikeba’ dikanan serta picara dua balah pihak.

· Ngada’atn palajaran kanang dinanam untuk bakaluarga. Udah koa abis acara malam.

Adat panganten nang disiapatn untuk waris (untuk picara )

8. Adat panganten nang disiapatn untuk waris (untuk picara )

· Tingkalakng parimatatn, parisanan.

· Pahala picara man adat pirikng waris nang atakang dari apa’ man uwe’, dari ene’ dua balahpihak jadi 4 piatup

· Adat bapirikng tanda panganten

· Tingkalakng pangantaen (insi’ nya):

Ø Babotn sajikok ( lonekngnya )

Ø Manok seko’ ( cukup alat tubuhnya )

Ø Tumpi poe’ bahan di ampa’ ,timko roko’ )*

Ø Tono’ ( 1 bh pingatn putih ) iso’ salamar

Ø Parabut buis bantatn secukupnya

Ø Baras poe ‘ baras sunguh

Ø Binyak nyiur, nyiaur 1 bh

Ø Gula kopi ,gare’ ,nasi’ salepet arak sabotol pantut

* Katarangan :

Ø tono’ ( pingatan putih ) keselamatan manusia mencegah selamanya.

Ø Iso’ mantas jalatn idup ( maraga ka idupatn ) serta diantar dengan buis bantatn.

9. PANGARATIATN PIRIKNG PANGANTEN

Ame bajantui’ waris dari ene’-ene’ diri’ durit (ina’udah putus).Kade’ sae nang ngarusak,kana adat (nutup adat page waris)

· *Adat pirikng dari ene’ nang laki dua piatup jumlahnya 36+4 kapala pirikng

· ene’ nang laki , apa’ uwe’ ene’ nambini apa’ man uwe’ jumlahnya 36+4

· kapala piriknya.

· jumlah samua 72 + 8 = 80 pinjuru ampusnya adat.

· Adat tahutn : adat tahutn ada tujuh bagian + 1 pangarada jadi 8 ka

· ampusatnya atau nang narima’nya:

1. Tuha tahutn

2. Panyanakng kalangkakng

3. Tuha-tuha aleatn

4. Tukang balak

5. Pangarabanan

6. Tukang basi

7. Pangarah laki-pangarah bini

8. Pangarada adat

10. Adat picara dua balah pihak dari nang laki dan nang bini

sama paraga adatnya

* babotn salonekng bare tali sampe ka ra’akng (ratinya turihatn kulitnya

ame di di putusatn langsung, lonekng man na’ap ra’akngnya )

· manok seko’ cukup alatnya

· baras poe’ baras biasa +tumpi’ poe’

· timako roko’ + alat alat di ampa’

· sabotol pantut binyak nyiur satu pantut arak +1 buah nyiur

· gula kopi gare’ nasi’ salepet

· tambahan lonekng ada atinya,parutnya buah tuba ( babotn saseat )

keterangan:

a) Pakean panganten dayak kanayatn

Ø saput di gantukngka atas ( lalangit )

Ø saput di santikng kadinikng ( tabir )

Ø topokng ampa’ ya’basapa’atn man urakng tuha

Ø karis di pake ( nyaga kamungkinan nang ina’ tantu )

Ø pakean nang laki pake dabal putih siawar putih

Ø kapala pake mas panding

b) Pakean nang bini

Ø kaikng panyakng ,baju kabaya + sulendang

Ø kono’an pake susuk sangul + kambang goyang

Syarat abis pesta panganten

Damanya balala’ = musi’ saput cukup talu ari ,talu malam kanang laki lalu di pusi’ dgn adat ( buis bantatn ) mumuh manok talu eko’;

Ø seko’ musi’ lala’

Ø seko’ sambayang ka ‘padulangan

Ø seko’ ka’ pabarasatn

Tujuan adat nang di manjoat damanya musi saput :

Ø saput di make silih baganti jadi lalangit artinya tono’ lobokng

Ø saput di mantang ka’ dinikng artinya ninikng ari ( nonoi’ nang ina’ tantu ,ninikng nyabar ia ).

Ø Solekng daukng sajiba’

Ø Babotn pulakng kadulakngnya,manok pulakng ka panyoa’nya baras pulakng ka pabarasatn baluh banih samuanya pulakng gagas taranyo tarangkat. Tujuan namuan napatatn’, buluh nang lanso’ daukng nang libar samuanya pulakng sajiba’. Ditabar tawari’ man tapukng tawar , baras banyu baras sasah ,langir binyak.

Tampukng tawar alat-alatnya :

Ø tapukng bare’ unyit bare’ darah manok

Ø baras sasah dari baras poe’ bare’ ai’

II.ADAT BAULAKNG 

   ( di Daerah Karangan, Menjalin dan Toho )

(Foto Ferry T. Wanning)

1. ADAT BAULAKNG BAPAKAT DUA BALAH PEHAK

(1) Adat pertama dan alat paraga nya.

Sambayang ka’ saka Adatnya:

Ø 1 bh. Tp. Damanya pamabkng + mangkok 1 bh. Bare’-baras bare’ unyit

Ø 1 eko’ manok ngada’atan buis cukup tumpi’ poe’nya (alat-alat buisngian)

Ø Tumpang sote’ ka’ ujukang rumah sote’ ka pungka’ rumah. Insi’ tumpi’ poe’ bontakng talo’ jukut di ampa’ + roko’ sabatkng

Pangaratiatnnya. Untu’ maribasai’ jukut ina’ di tele’ (awa pama) urakng tuha nang dah ningalatn.

(2) Solekng di taikatn sawatu picara atakng dan adat baru’ dikaraja.

Ø Nyuman tampi’ poe’ udah masak di patikatn (matikatn timpi’ poe’ paulangan sabut damanya nang baulakng.

Ø Babotn di bumuh seko’ damanya pangalayur rahatn + manok seko’ dan babotn di turih untu’ buis batagakang (artinya nagakngi’ waris page sama di’atn.)

(3) Tanda adat baulaknmg ka’ tangah rumah/ paso’ pintu dikoa ada damanya tapayatn baras: 2 bh. Artinya laki/ bini = manyanyi

2 ote’ pahar pangantar damanya roba + binyak angkabakng

1 kayu sarangkupm (ikat)

1 ikat daukng layakng(balutnnya)

1 tunutn pinang

1 ringke karake’

1 tepe’ timako

1 tebo’ roko’ daukng

-Saput digantukng damanya lalangit,saput di bantung ka dinikng damanya tabir (dinikng ari)

(4) Perlengkapan kelanjutan adat untu’ ari ampaginya

Ø 4 eko’ babotn 2 untu’ diturih (manjoat buis baulakng

· 2 untu’ pirikng waris dari ene’ nanglaki man ene’ nang bini. 4 piatup.

Ø 2 buis di adapi’ urakng nang baulakng perlengkapan poe’ baulakng ada damanya poe’ bakobo’ 7 ote’ ngian atas babah ina dibuakang buku’nya beda ba nang lain [ Nang manyak ].

Adat paraga baulakng :

Ø tingkalakng baulakng 2 buah

Ø tingkalakng waris 2 buah

Ø tingkalakng parimatatn dua buah

2. pirikng baulakng

Buat adat bapirikng sampe ka ene’iyut.

Ø - Anak pirikng uwe’- apa’ 4x8 = 32 ote

Ø - Anak pirikng uwe –ene’ bini 8x8 = 64 ote

Ø - Ene’ iyut laki –ene’ iyut bini 16x8 =128 ote

Ø - Kapala pirikng jumblah = 28 ote

Ø - Pahoatn = 4 ote

Ø - Mangkok papah [ai’ susu’] = 4 ote

Ø - Adat binua = 9 ote

Jumlah samua = 269 ote

3. Ampus adat nang di nyorokng.

Tingkalakng baulakng insi’nya

Ø sote lonekng babotn.

Ø Seko manok masak cukup alat tubuhnya.

Ø Tumpi’ poe’ baras poe’ baras sunguh gare’sabungkus binyak nyiur sapantut,nasi’ sakabetekng .

Ø Nyiur sabuah,gula + kopi, timako rokok.

Ø Pingatn putih sabuah,iso’salamar, timako + rokok daukng, binyak nyiur sapantut [ ½ botol ]

5.Tingkalakng parimatatn.

Ø sote’ lonekng babotn .

Ø seko’ manok cukup alat tubuhnya .

Ø tumpi’ poe’,baras poe’ +sunguh, binyak nyiur sapantut ,arak sapantut.

Ø Jukut diampa’-timako rokok.

5.Tingkalakmng waris.

Hanya sote’ lonekng babotn dibagi dua balah pehak uwe’ – apa’.

6.Adat picara [ pahala ] 2 balah pehak laki bini.

Ø Insi’nya 2 lonekng batait man ra’akng seko’ manok cukup parabut tubuhnya.

Ø Tumpi’ poe’ baras poe’ + baras sunguh, jukut di ampa’ man timako rokok, binyak nyiur sapantut,arak sapantut ,nyiur sabuah ,gula kopi ,gare’ sabungkus .

Ø Ka’ampusatn pirikng waris di bagi 2 artinya ene’ nang laki ene’nang bini jadi 4 x 2 = 8 piatuk.

Ø Nang disabut kapala pirikng ( Tuha sagi) ene’ kamar kapala baik dari ene’ nang laki man ene’ nang bini.

Adat tahutn jumlahnya 9 ( sambilan) ote.

Nang narima, adat tahutn adalah :

Ø Tuha tahutn.

Ø Panyanakng kalangkakng

Ø Tuha aleatn.

Ø Pangarabanan

Ø Tukang basi

Ø Pangarah tahutn

Ø Pangarada

Ø Tuha bnuai

Ø Pangarah laki dan pangarah bini

Adat tahutn nang 9 ote’ sama, baik dari nang laki maupun dari nang bini.

Kamidian adat musi; lalangit [ Musi; saput ].

_ Cukup talu ari talu malam , di pusi alat – alat nang di pake,misalnya :

A. kayu

B. suluh

C. Solekng daukng.

D. Dan ba sipat jukut nang di make waktu baulakng.

Alat – alat musi’ ia adatnya:

_ Tumpi’ poe’ talu eko’ manok panjawat buis. Cukup baras banyu, baras sasah, langir binyak

Tambahan buis lainya manurut kapicayaatn diri’ nang make ia

1. Sambayang ka padulangan

2. Sambayang ka pabarasatn.

Sumber: http://dayakkanayatn.blogspot.com/2008/03/adat-kaidupatn.html